القائمة الرئيسية

الصفحات

نصائح لليلة الرابعه فى ليلة القدر !!

  اعرف قيمة الحاجة قبل ماتروح منك


عايز أقولك على حاجة

في اللحظة ال بكلمك فيها دي في ناس بتيجي تخبط على باب المسجد تحت عايزين يصلوا تهجد ولكن ممنوع فبيروحوا تاني
أنت متخيل واحد جاي يصلي ويرجع مش يصلي مع إن الدنيا كلها بتعمل كل حاجة الناس ال على القهوة مليانة والمترو والشوارع والأسواق وكل الدنيا طبيعية
متخيل انك ممكن يجي عليك اللحظة ال تكون عايز تدخل فيها المسجد مش عارف ولولا فضل الله عليا كنت ممكن اكون زي الناس ال مش عارفة دي
إياك تتعود على الحاجات الموجود في حياتك انها هتفضل على طول موجودة ابدا والله كل الأشياء في حياتك ال تظن أنها طبيعي جدا وجودها هتيجي اللحظة ال مش هتلاقيها موجودة فمتضيعش فرصة وجود أي نعمة في حياتك

اعرف قيمة المسجد افضل فيه كتير قبل ما يتقفل

اعرف قيمة القرآن اقرأ كتير قبل ما يُرفع

اعرف قيمة ذكر الله فاذكر ربنا كتير قبل ما تموت

قم واجتهد فإن المنافسة شديدة وغيرك رجالا لا يعرفون التعب في سبيل الله

طب تعالى اقولك حاجه تانية


ربنا رزقنا اليوم بشيخ اللهم بارك ربنا يديله الصحة صلى التراويح في ساعتين وكنت في أول ركعة بقول اللهم الفردوس الأعلى لحد ما وصلت لأخر ركعة بقيت اقول اللهم أعني على ذكرك و شكرك وحسن عبادتك مش قادر أقف

فجه في بالي فكرة إن الإنسان بيدعو بالحاجة ال شغلانه

مثلا أنا مريض فبقول يارب اشفني

عايز أتزوج فبقول اللهم زوجة صالحة

حزين فبقول اللهم فرحة من عندك وهكذا

بس تخيل كده لو الحاجة ال شغلاك فعلا هي اشتياقك وحنينك للجنة ورهبتك وخوفك من النار

تخيل إن دعاءك متركز جدا على طلب الجنة والاستعاذة من النار

تخيل إنك بتدعي بالجنة وكأنك فيها تتمتع بنعيمها وتجلس فيها مع رسول الله

وتتخيل النار أعوذ بالله بعذابها ونارها وجحيمها ولهيبها وشدتها وصراخ أهلها وندمهم على ما فرطوا

وتستعيذ الله منها بكل ما تملك من قلب

ركز في الدعاء جدا ♥️

تعليقات